ਇਹ ਨਜ਼ਮ ਉਹਦੇ ਨਾਮ..........(Roop Aziz)

ਮੇਰੇ ਮੰਨ ਦੇ ਰੇਤੀਲੇ ਧਰਾਤਲ ਤੇ ਉਕਰਿਆ ਇਕ ਖੂਬਸੂਰਤ ਨਾਮ ਹੈਂ ਤੂੰ,
ਜਿਸ ਨੂੰ ਮੇਰੇ ਹੀ ਡਰ ਦੀਆਂ ਲਹਿਰਾਂ ਵਾਰ-ਵਾਰ ਮਿਟਾ ਦਿੰਦੀਆਂ,
ਤੇ ਜਿਸ ਨੂੰ ਮੇਰੇ ਹੀ ਹੌਂਸਲੇ ਨਾਜ਼ੁਕ ਜਹੀਆਂ ਉੰਗਲਾਂ ਨਾਲ ਮੁੜ ਤੋਂ ਉਲੀਕ ਲੈਦੇ
ਢਲਦੇ ਸੂਰਜ ਨੇ ਜੋ ਸਾੰਝ ਦੇ ਮੱਥੇ ਬਿਖੇਰਿਆ ਉਹ ਸੁਰਖ ਰੰਗ ਹੈਂ ਤੂੰ,
ਜੋ ਕਦੇ ਰੱਤਾ ਬਣਕੇ ਉਤਰ ਜਾਂਦਾ ਅਣਡਿਠੇ ਭਵਿੱਖ ਦੀਆਂ ਅੱਖਾਂ ਵਿੱਚ,
ਤੇ ਕਦੇ ਬਣ ਸ਼ਗਨਾਂ ਦੀ ਸੂਹੀ ਚੁੰਨੀ ਕੱਜ ਲੈਂਦਾ ਮੈਨੂੰ, ਮੇਰੀ ਲਾਜ ਨੂੰ
ਮੇਰੇ ਸਹੇਹ ਨੂੰ ਪਰਤ ਦਰ ਪਰਤ ਫਰੋਲਦਾ ਇੱਕ ਪਿਆਰਾ ਜਿਹਾ ਅਇਸਾਸ ਹੈਂ ਤੂੰ,
ਜੋ ਕਦੇ ਸੁਨਹਿਰੀ ਸਮੂੰਦਰੀ ਮੌਜਾਂ ਵਾੰਗ ਤਿਰਹਾਏ ਕੰਡੇ ਠਾਰਦਾ,
ਤੇ ਕਦੇ ਸ਼ਾਤ ਮਾਸੂਮ ਜਹੇ ਸਾਗਰ ਵਾਂਗ ਮੈਨੂੰ ਨਿਹਾਰਦਾ, ਪਿਆਰਦਾ"
ਮੇਰੇ ਮੰਨ ਦੇ ਰੇਤੀਲੇ ਧਰਾਤਲ ਤੇ ਉਕਰਿਆ ਇਕ ਖੂਬਸੂਰਤ ਨਾਮ ਹੈਂ ਤੂੰ,
ਜਿਸ ਨੂੰ ਮੇਰੇ ਹੀ ਡਰ ਦੀਆਂ ਲਹਿਰਾਂ ਵਾਰ-ਵਾਰ ਮਿਟਾ ਦਿੰਦੀਆਂ,
ਤੇ ਜਿਸ ਨੂੰ ਮੇਰੇ ਹੀ ਹੌਂਸਲੇ ਨਾਜ਼ੁਕ ਜਹੀਆਂ ਉੰਗਲਾਂ ਨਾਲ ਮੁੜ ਤੋਂ ਉਲੀਕ ਲੈਦੇ.
.....ਰੂਪ